Let me in this ae night

O lassie, art thou sleeping yet, Or are you waking, I wou'd wit? For love has bound me hand and foot, And I wou'd fain be in, jo. O let me in this ae night, this ae, ae, ae night, O let me in this ae night, and I'll ne'er come back again, jo. The morn it is the term-day, I maun away, I canna stay : O pity me, before I gay, And rise and let me in, jo. O let me in this ae night, this ae, ae, ae night, O let me in this ae night, and I'll ne'er come back again, jo. The night it is baith cauld and weet, The morn it will be snaw and sleet, My shoen are frozen to my feet Wi' standing on the plain, jo. O let me in this ae night, this ae, ae, ae night, O let me in this ae night, and I'll ne'er come back again, jo. I am the laird of windy-was, I come na here without a cause, And I hae gotten mony fa's Upon a naked wame o! O let me in this ae night, this ae, ae, ae night, O let me in this ae night, and I'll ne'er come back again, jo. My father's wa'king on the street, My mither the chamber-keys does keep, My chamber-door does chirp and cheep, And I dare nae let you in, jo! O gae your way this ae night, this ae, ae, ae night O gae your way this ae night, for I dare nae let you in, jo! But I'll come stealing saftly in And cannily make little dinn, And then the gate to you I'll find, If you'l but direct me in, jo! O let me in this ae night, this ae, ae, ae night, O let me in this ae night, and I'll ne'er come back again, jo. Cast aff the shoen frae aff your feet, Cast back the door up to the weet, Syne into my bed you may creep And do the thing you ken, jo. O well's on me this ae night, this ae, ae, ae night, O well's on me this ae night, that ere I let you in, jo! She let him in sae cannily, She let him in sae privily, She let him in sae cannily, To do the thing ye ken, jo. O well's on me this ae night, this ae, ae, ae night, O well's on me this ae night, that ere I let you in, jo! But ere a' was done and a' was said, Out fell the bottom of the bed, The lassie lost her maidenhead, And her mither heard the din, jo. O the devil take this ae night, this ae, ae, ae night, O the devil take this ae night, that ere I let ye in, jo!