The Shepherd's Wife

written in 1792

The Shepherd's wife cries o'er the knowe, Will ye come hame, will ye come hame; The Shepherd's wife cries o'er the knowe, Will ye come hame again een, jo? What will I get to my supper, Gin I come hame, gin I come hame? What will I get to my supper, Gin I come hame again een, jo? Ye'se get a panfu' o' plumpin parridge, And butter in them, and butter in them, Ye'se get a panfu' o' plumpin parridge, Gin ye'll come hame again een, jo. Ha, ha, how! that's naething that dow, I winna come hame, I canna come hame; Ha, ha, how! that's naething that dow, I winna come hame gin een, jo. A reekin fat hen, weel fryth'd i' the pan, Gin ye'll come hame, gin ye'll come hame, A reekin fat hen, weel fryth'd i' the pan, Gin ye'll come hame again e'en jo. Ha, ha, how! that's naething that dow, I winna come hame, I canna come hame; Ha, ha, how! that's naething that dow, I winna come hame gin een, jo. A weel made bed and a pair o' clean sheets, Gin ye'll come hame, gin ye'll come hame, A weel made bed and a pair o' clean sheets, Gin ye'll come hame again een, jo. Ha, ha, how! that's naething that dow, I winna come hame, I canna come hame; Ha, ha, how! that's naething that dow, I winna come hame gin een, jo. A luving wife in lily-white linens, Gin ye'll come hame, gin ye'll come hame, A luving wife in lily-white linens, Gin ye'll come hame again een, jo. Ha, ha, how! that's something that dow, I will come hame, I will come hame: Ha, ha, how! that's something that dow, I will come hame again een, jo.