Robert Burns

A Waukrife Minnie

written in 1789

Whare are you gaun, my bony lass, Whare are you gaun, my hiney. She answered me right saucilie, An errand for my minnie. O whare live ye, my bony lass, O whare live ye, my hiney. By yon burnside, gin ye maun ken, In a wee house wi' my minnie. But I foor up the glen at e'en, To see my bony lassie; And lang before the grey morn cam, She was na hauf sae saucey. O weary fa' the waukrife cock, And the foumart lay his crawin! He wauken'd the auld wife frae her sleep, A wee blink or the dawin. An angry wife I wat she raise, And o'er the bed she brought her; And wi' a meikle hazel rung She made her a weel-pay'd dochter. O fare thee weel, my bony lass! O fare thee well, my hinnie! Thou art a gay an' a bony lass, But thou has a waukrife minnie.

Comment Section just now

Feel free to be first to leave comment.

8/2200 - 0