Robin shure in hairst

written in 1789

Robin shure in hairst, I shure wi' him. Fient a heuk had I, Yet I stack by him. I gaed up to Dunse, To warp a wab o' plaiden; At his daddie's yet, Wha met me but Robin. Robin shure in hairst, I shure wi' him. Fient a heuk had I, Yet I stack by him. Was na Robin bauld, Tho' I was a cotter, Play'd me sic a trick And me the Eller's dochter? Robin shure in hairst, I shure wi' him. Fient a heuk had I, Yet I stack by him. Robin promis'd me A' my winter vittle; Fient haet he had but three Goos feathers and a whittle. Robin shure in hairst, I shure wi' him. Fient a heuk had I, Yet I stack by him.