Robert Burns

The Braes o' Ballochmyle

written in 1785

The Catrine woods were yellow seen, The flowers decay'd on Catrine lee, Nae lav'rock sang on hillock green, But Nature sicken'd on the e'e. Thro' faded groves Maria sang, Hersel' in beauty's bloom the while; And aye the wild-wood ehoes rang, Fareweel the braes o' Ballochmyle! Low in your wintry beds, ye flowers, Again ye'll flourish fresh and fair; Ye birdies dumb, in with'ring bowers, Again ye'll charm the vocal air. But here, alas! for me nae mair Shall birdie charm, or floweret smile; Fareweel the bonnie banks of Ayr, Fareweel, fareweel! sweet Ballochmyle!

Comment Section just now

Feel free to be first to leave comment.

8/2200 - 0