When she cam ben she bobbed

written in 1792

O when she cam ben she bobbed fu' law, O when she cam ben she bobbed fu' law; And when she cam ben she kiss'd Cockpen, And syne deny'd she did it at a'. And was na Cockpen right saucy with a', And was na Cockpen right saucy with a', In leaving the dochter of a lord, And kissin a Collier-lassie an' a'. O never look down, my lassie at a', O never look down, my lassie at a'; Thy lips are as sweet and thy figure compleat, As the finest dame in castle or ha'. Tho' thou has nae silk and holland sae sma, Tho' thou has nae silk and Holland sae sma, Thy coat and thy sark are thy ain handywark And Lady Jean was never sae braw.