As I cam o'er the Cairney Mount

written in 1796

As I came o'er the Cairney mount And down amang the blooming heather, Kindly stood the milkin-shiel To shelter frae the stormy weather. O my bonie Highland lad, My winsome, weelfar'd Highland laddie; Wha wad mind the wind and rain, Sae weel row'd in his tartan plaidie. Now Phebus blinkit on the bent, And o'er the knowes the lambs were bleating: But he wan my heart's consent, To be his ain at the neist meeting. O my bonie Highland lad, My winsome, weelfar'd Highland laddie; Wha wad mind the wind and rain, Sae weel row'd in his tartan plaidie.