O gude ale comes and gude ale goes

written in 1795

O gude ale comes and gude ale goes, Gude ale gars me sell my hose, Sell my hose, and pawn my shoon, Gude ale keeps my heart aboon. I had sax owsen in a pleugh, They drew a' weel eneugh, I sald them a', ane by ane, Gude ale keeps my heart aboon. Gude ale hauds me bare and busy, Gars me moop wi' the servant hizzie, Stand i' the stool when I hae done, Gude ale keeps my heart aboon. O gude ale comes and gude ale goes, Gude ale gars me sell my hose, Sell my hose, and pawn my shoon, Gude ale keeps my heart aboon.