Robert Burns

Here awa', there awa'

written in 1792

Here awa', there awa', wandering, Willie, Here awa', there awa', haud awa' hame; Come to my bosom, my ae only deary, Tell me thou bring'st me my Willie the same. Loud tho' the winter blew cauld on our parting, 'Twas na the blast brought the tear in my e'e: Welcome now Simmer, and welcome my Willie; The Simmer to Nature, my Willie to me. Rest, ye wild storms, in the cave o' your slumbers, How you dread howling a lover alarms! Wauken, ye breezes! row gently, ye billows! And waft my dear Laddie ance mair to my arms. But oh, if he's faithless, and minds na his Nanie, Flow still between us, thou wide roaring main: May I never see it, may I never trow it, But, dying, believe that my Willie's my ain!

Comment Section just now

Feel free to be first to leave comment.

8/2200 - 0