Second Epistle to Davie
written in 1786
Second Epistle to Davie - form Summary
Epistolary Defence of the Muse
This poem is an epistolary address to Burns's friend Davie that defends the poet’s devotion to the Muse. Written as a familiar, conversational letter, it mixes jocular Scotch dialect with plain confession: Burns celebrates rhyme as steady consolation amid drink, love, work and poverty, and urges Davie to hold fast to poetry. The epistolary form lets Burns adopt a direct, intimate tone, making literary commitment sound like friendly counsel and grounding broader reflections on the poet’s lot in specific social warmth and self-deprecating wit.
Read Complete AnalysesAuld Neibour, I'm three times doubly o'er your debtor, For your auld-farrant, frien'ly letter; Tho' I maun say't I doubt ye flatter, Ye speak sae fair; For my puir, silly, rhymin clatter Some less maun sair. Hale be your heart, hale be your fiddle, Lang may your elbuck jink diddle, To cheer you thro' the weary widdle O' war'ly cares; Till barins' barins kindly cuddle Your auld grey hairs. But Davie, lad, I'm red ye're glaikit; I'm tauld the muse ye hae negleckit; An, gif it's sae, ye sud by lickit Until ye fyke; Sic haun's as you sud ne'er be faikit, Be hain't wha like. For me, I'm on Parnassus' brink, Rivin the words to gar them clink; Whiles dazed wi' love, whiles dazed wi' drink, Wi' jads or masons; An' whiles, but aye owre late, I think Braw sober lessons. Of a' the thoughtless sons o' man, Commen' to me the bardie clan; Except it be some idle plan O' rhymin clink, The devil haet, - that I sud ban - They ever think. Nae thought, nae view, nae scheme o' livin, Nae cares to gie us joy or grievin, But just the pouchie put the neive in, An' while ought's there, Then, hiltie, skiltie, we gae scrievin', An' fash nae mair. Leeze me on rhyme! it's aye a treasure, My chief, amaist my only pleasure; At hame, a-fiel', at wark, or leisure, The Muse, poor hizzie! Tho' rough an' raploch be her measure, She's seldom lazy. Haud to the Muse, my daintie Davie: The warl' may play you mony a shavie; But for the Muse, she'll never leave ye, Tho' e'er sae puir, Na, even tho' limpin wi' the spavie Frae door tae door.
Feel free to be first to leave comment.